Iwa ye u man ka sien wa nyngkong, ka Society for Urban and Rural Empowerment (SURE) da wai ko yaka Mei-ramew Cafe wa em ha Mupyut, West Jañtia Hills District deiwa ya krehlang waka North East Slow Food and Agro-biodiversity Society (NESFAS) wei da kyrchaan leh daka Rural Electrification Commission (REC).
Ka chnong Mupyut toh kawa em harood u sarok National Highway 40 (E) uwa na Jowai cha Dawki lyngba ka Amlarem wei i thong kani ka dukan (Café) toh wow dai yaki baam tynre wa thung hi da ki bru kani ka thaaiñ.
Ka tre kani ka Café ka Teiri Kyndait da ong ko wa da yooluti ko wa ini daw yarap ko ym du wow yoh ki bru wow maad yaki baam tynre kamjooh daw pynchlur ko leh ya ki warep wow rep ya kini ki jait jhoor.
U Waiphang Shadap u wakreh ka SURE uwa pait leh ya kani ka thaaiñ da ong u wa da dep wow e yei sikai kamjooh da yah wow lai pait ya kiwi ki Mei-ramew Café yow tip kammon wow pynkrehkaam yaki kamjooh yow pynmiat ya i dukan.
Ka Somja Phawa kawa kreh ka SURE da ong u wa heithaw wow dai da i baam China, toh u sñiawsarong wow dai da i baam tynre yong i hi. Da pyntip ko leh wa da yooluti wow wai sa kawi ka Mei-ramew Cafe ha chnong Chamcham, East Jaiñtia Hills.
