Ka Dorbar Chnong Moolamylliang ynnin i miet ka 17 tarik da wai paidbah ko sa chisien yei pynriam Christmas kawa tip kam ka Christmas Lights Extravaganza 2022 kiwa da wan wai da u FR Kharkongor, Chief Electoral Officer ka Meghalaya kam u kongsan deiwa emlang u Abhilash Baranwal, Deputy Commissioner, East Jaiñtia Hills District kam u symbood kongsan.
U FR Kharkongor hei klam yong oo da ong u wa ini i pynriam ka chnong da yaryngkat i wa iwa da leh ha Paris wa New York wei ini da man ko leh kam ka nongmuna ya kiwi ki chnong hapoh ka Meghalaya.
Ka chnong ha uni u snem da pynthymme ko yei pynriam wei da booh ko leh ki Tent ya ki bru wow sah ki wei da pynbiang leh ya ka thaw dai baam.
Ki paidbah ye ki wow wan nadooh 5 waje i janmiet hadooh ka 3 tarik u snem thymme man-ka-sngi wei ka bai psiah da man ko T. 50 samen.
Ha kini ki sngi kam ha ka 18 tarik daw em ka Bonfire waka Giant Screen yow pait World Cup. Hei janmiet ka 22 wa 23 tarik daw em ka Concert, ki Group Dance, Beat Boxing wa ki tem rwai Christmas na u DJ Poihamei wa u DJ Tremiky.
Haka 24 tarik won daw em ka Carol wei daw wan tem da ka Orchestra Band na ka chnong Sakhain heipor 6 waje i janmiet.
Yow tip bniah yei phi u Phone ha kini ki Number: 9862889655/8131061998/8732875321/7742307038.
