I dukan wa dang thymme wa tip kam i SS Furniture wa em ha Lumpyrtuh Mihmyntdu da wai ya ki ynne ka sngi da u Waheh Chnong ka Mihmyntdu, u A. Phawa hei emlang U Jameson Suna wa kiwi kiwi de.
Ya ini i dukan da mantre da ka Yoophaity Suchen wei ha ini i dukan ye phi u yoh ya kiwa boon jait ki jait tiar wa pynemkaam ha yung kam ki chuki (Sofa) wa kiwi de wa emkaam ka yung ka sem (Complete Package Home Interior Design & Installation) katkam i emkaam ki bru wa kynthup lang leh wa ki almari, ki palong, ki miej baam ja wa kiwi kiwi de.
Neiliang u A. Phawa hawa i yei klam wa tbian da kyrkhu kyrdoh u ya kani ka dukan wow man ko kawa hoi yaaw heijooh i por leh u man kam ka nongmuna ya kiwi wow seiñ khih yow yieñ hei yong ki hi ki kjat yow pyndap pynkot ya ka yung ka sem yong ki.
Kamtæ da khut ya phi ki paidbah wow wan cha kani ka dukan yow yoh phi ya ki mar wa emkaam phi.
