U MLA ka Khliehriat uwa man leh u Montri ka sorkar jylla, u Kyrmen Shylla da wan wai u yaka madan ka San Shnong Secondary School Mukhaialong Kremlabit ynnin ka sngi hei emlang u MDC ka thaaiñ uwa man leh u Deputy CEM ka JHADC, u Lasky Rymbai, ki Waheh Chnong wa Secretary Chnong chirup wa ki khynnah skur wa da pdiang burom ya ki kongsan da i chaad.
Neiliang u Waheh Chnong ka Cham Cham, u Karlud Dkhar da ong u emkaam u pynku kyrdan ya kani ka skur cha ka Higher Secondary.
U Lasky Rymbai da e u i klam chaphang i stat ka thaaiñ San Shnong u pynlai bait ha waroh ki liang nadooh i puræ puthi hadooh i wanrah ya ki kaam pynroi.
U Kyrmen Shylla won da e mynsien u ya waroh ki Waheh Chnong wa Secretary Chnong kamjooh kiwa kitkaam ka School Managing Committee wa emkaam u kreh chitom ki wei da pynkynmoo u leh chaphang ki kaam uiñke suwari, ki sarok wa dang emkaam u pynheh wei wow poi cha ka thong toh i krehlang.
U General Secretary ka San Shnong Secondary School Mukhaialong, u Tyrnit Pdein da khana parom u chaphang i lai luti ki waheh chnong wa man kiwa yatylli lada ha iwon iwon i kaam hapoh u President ka San Shnong, Bitral Dkhar.
Ha kani ka yalang da klah leh ya ki Ticket Lucky Draw yong kani ka skur heiwa kiwa pam man ki kamni:
1st Prize- 11701
2nd Prize- 8569
3rd Prize- 0348
Katwa ki Consolation kynthup ki ya u 11026, 12414, 7257, 10382, 14791.
Discussion about this post