U Montri Rangbah ka Meghalaya, u Conrad K Sangma ynnin da wai u yaka MeghFarm Processing Hub deilang waka Tikrikilla PRIME Hub ha Khamari, Tikrikilla, West Garo Hills.
U Conrad hawa e yei klam da ong u wa i pyut ki mar rep da wanrah ko yei dooh nong ya ki warep ka Garo Hills kamtæ da wanrah ya kani ka MeghFarm Processing Hub kawa ye wow pynlang 80 hadooh 100 Ton yow pynneh pynsah yow lait u hiar dor wei sepai ki mar rep.
Da khana u wa ya kani ka MeghFarm da chna hei lut wa Rs. 14.5 klur wei daw yarap ko ya palat 10,000 ngut ki warep.
Kani ka MeghFarm toh kawa em yaka Cold Storage yow lait u pyut ki mar rep waka Processing Plant yow pynkylla ya ki mar rep cha kiwa boon ki jait baam wei da krehkaam ka dei bor ka sngi, da khana u Conrad.
Chooh chooh da khana u wa i thmu toh wow chna 50 tylli kam kini ki MeghFarm Processing Unit deilang wa ki PRIME Hub ha waroh ki Block ka Meghalaya yow pynkylla dur yaka rep ka riang hapoh ka jylla.
Da kdaw u leh wa u satrooiñ, u sachram, u soh khontara toh uwa miat bha wa mih napoh Garo Hills wei daw ku dor ki deiwa pynchna ki cha kiwi ki mar baam kiwa ye u dai ha ki yaaw ki haat ka pyrthai. Da yaroh u leh yei kreh chitom ki Cooperative Society wa em hapoh ka jylla wei da pyntip u leh wa ka sorkar daw chna ko 300 tylli ki Mini Processing wa ki Mini Cold Storage Units ha waroh kawi ka jylla.
Kamtæ da ong u wa da ini waroh daw yarap ko yow lait ki warep u dooh nong deiwa pyut ki mar ki.
Ka PRIME Hub kawa da wai toh yow yah luti wei wow e sikai ya kiwa seiñ khih ha Tikrikilla nadooh ki warep leh kamjooh.
Ha kani ka sngi da e khusnaam leh cha ki Cooperative Society wa em ha Tikrikilla Block yei lehbha ki ha ki kaam rep wa kiwi de wei da ssam leh Rs. 1.23 klur cha ki 16 tylli ki Village Organisation lyngba ka Community Investment Fund.
Discussion about this post