Ynne ka sngi ka NM Suzuki Dealership wa thymme yong ka Suzuki Motor Cycle India Private Limited, da wai ko yaka Showroom yong ka wa em ha Ladthadlaboh, Jowai.
Ya kani ka Showroom da wan wai da u K.D. Syngkon, Asst. Waheh Chnong Ladthadlaboh, da yoh i ngooh Blai na u Pastor Mohan Marpnah hei emlang ki kynhun wa wan da ki Bike na Shillong kiwa man ki Customer yong ka Suzuki hi.
Neiliang u K.D. Syngkon hawa e yei klam, da yaroh u yei wan kani ka Company, neibhah wan ko ym du yei kamai yong ka tangwa neibynta i myntoi u paidbah kamjooh, khamtam ha kini ki sngi wa khynnia ki luti syngkeiñ, yarap bha ki ar chaka yow smat dep i kaam i jaam.
Na kani ka thaw dai namo ka Showroom ye u yoh nadooh ki Bike wa ki Scooty.
Da pyntip leh wa e ki yei yarap pynyoh poisa u thied ya kini ki ar chaka wei ye leh u kylliang yaki ar chaka (Exchange Option) yong kawon kawon ka jait Company, lada em kiwa kwah kylliang da ka warim yow chim won daka ar chaka wa thymme.
Kani ka Showroom leh ko leh yaka Pick & Drop Service heiwa lada ym lait por wow lai phah leh Servicing ye ki wow lai thooh lai booh ha yung heiwa ka thaw leh Servicing toh kawa em ha kani ka Showroom hi. Kamjooh ya kiwa dang thied thymme, ye wow li booh ha yung, leh ki leh yaka On Road Service lada jia wa sih ki kari cha luti syngkieñ.
Ha kani ka jooh ka sngi da e kti ya le tylli ki ar chaka cha kiwa thied nyngkong na kani ka Showroom wa kynthup u Lucky Pale, u Fernando Bamon wa u Mitendra Dkhar.
