Jowai: Ynnin ka sngi ka Dorbar Chnong Tympang–Iawmusiang, Jowai da wai yaka yung krehkaam wa thymme yong ka ha ka yalang wa tbian heiwa u MLA ka Jowai, u Wailadmiki Shylla da man u kam u kongsan.
Ya kani ka yalang da pynlai da u W. Nartiang; da yoh ki kyntien pdiang burom na u ES Shylla, uwa man kam u waheh chnong, wa ki kyntien ekhublei na u AK Lywait uwa man kam u Secretary ka chnong.
Neiliang u Wailad hawa e yei klam da ekhubei u ya ka dorbar chnong wa da yoh ko ya kani ka yung krehkaam wa thymme deiwa kyntu leh ya ka wow pteiñ ko wow e i chakri ya ki paidbah khamtam kiwa wan na kylleiñ.
Heijooh i por u Wailadmiki da e u leh ya ka song poisa wa T. 2 lak cha ka Dorbar Chnong.
