Da wai yaka yung krehkaam ka MSEC ka wow pynkylla dur ya ka puræ puthi

Ka yung krehkaam ka Meghalaya State Education Commission (MSEC) wa em ha MBOSE Office,  Lower Lachumiere, Shillong da wai ya ka ynnin ka sngi da u Montri Rangbah ka jylla, u Conrad Sangma deiwa emlang u Montri ka chnat Puræ Puthi, u Rakkam A. Sangma deilang wa ki dkhot kani ka Commission.

I thong kani ka Commission toh wow pynkylla dur ya ki kaam wa yatoh waka puræ puthi hapoh ka jylla, wei da thung leh ya ki dkhot wa chemphang ha ini i kaam ki wow yahluti kammon wow poi cha ka thong yow pynbha pynmiat deiwa pyrkhat yeiwa emkaam ki khynroo.

Ka Meghalaya ha ki snem wa da lai da maad ko boon i khor wa yatoh wa i puræ puthi kamtæ da yooluti wa kani ka Meghalaya State Education Commission kawa em leh ki dkhot kiwa nep jabieñ daw ye ki wow chem ki laad ki luti yow pynman ya ini i kaam wa jop.

Ha kani ka sngi da pynman leh ya ka yachemlang wa nyngkong kani ka Commission deiwa emlang leh u Montri Rangbah.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Ka Chairperson kani ka Commission ka Prof. SM Sungoh da ong ko wa ka sorkar da booh ko ya ki kyndon wa ki thong wow kreh kani ka Commission nadooh ka tulop kiwa sikai, i emkaam ki yung skur, i pynmiat ya ki lynnong kot wa i rukom e kyrchaan ka sorkar cha ki thaw puræ najrong kiwi kiwi.

Da ong ko leh iwa emkaam dooh toh wow yaklam yei eh wa daw mih deiwa pynkrehkaam ya ka NEP 2020 wei kammon wow pynkrehkaam ka nadooh ki skur khian hadooh ki thaw puræ wa em ha khlieh dooh.

Puræ leh: Thung ka sorkar da ka Prof. Sherwin May Sungoh kam ka Chairman ka State Education Commission