Da wai yaka yung krehkaam wa thymme ka DIPR wa T. 10.50 klur

Shillong: U Montri ka Meghalaya uwa pait yaka chnat Information and Public Relations, u James P K Sangma ynne ka sngi da wai u yaka yung krehkaam wa thymme ka Directorate of Information and Public Relations (DIPR), Meghalaya kawa em ha Lower Lachumiere, Shillong. Ya ini i wai ya kani ka yung krehkaam da wan wow emlang da ka Secretary, I&PR, ka Matsiewdor War Nongbri, u Director I&PR, u B S Sohliya wa ki sahep na kiwa boon ki chnat sorkar.

I chna ya ini i yung krehkaam da sdang ha u snem 2016 iwa chong dor kamwa T. 10.50 klur. Nalor wow chong kreh ka DIPR, daw em leh ka yung krehkaam ka Passport Seva Kendra, Civil Task Force, Meghalaya Editors and Publishers Association (MEPA) waka Shillong Press Club (SPC).

U Montri hawa e yei klam, da yaroh u ya ka Secretary, Director, ki sahep wa ki wakreh ka Directorate, ki Montri warim ka IPR, ki Additional Chief Secretary In-charge IPR warim, ki Principal Secretary warim, ki Commissioner wa Secretary warim, ki Secretary, Director wa waroh kiwa dang kreh kamjooh kiwa da chong ngiah kiwa da kreh chitom nadooh wa sdang u chna hadooh wa wai ya kani ka yung krehkaam. Da ong u leh wa kani ka yung krehkaam daw wai thaw ko yow ye u pyndep ya ki kaam wa boon ka I&PR.  

Kam ka laad pathai khubor ka sorkar, u Montri da ong u wa ka DIPR em ko i kaam wa emkaam bha wow leh yow pynsñiawthooh ya kiwa boon ki kaam sorkar, ki kaam e yarap lyngba ki chnat yong ka kam ka Press Unit, Advertisement Unit, Publication Unit, Field Publicity Unit, Technical Unit wa kiwi kiwi.

Related posts

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Yap uwi wa yarap wow sai ya ki ar ngut wa haap chapoh ka thlu um wa yillu 40 phut ha Jowai

July 25, 2024

U Montri da ong u leh wa ha kini ki por wa kylla i rukum e wyrta, emkaam leh wow pynkhlan chooh chooh ya i rukom pynpoi ya ki khubor deiwa pyrkhat leh ya i rukom kylla ki Social Media kiwa da wanrah ki kabu wa thymme kamjooh ki moochynthut.

Da yaroh u leh ya ki wakreh ka DIPR kiwa da kreh khlem sangeh yow pynpoor yaki khubor wa emkaam heipor kani ka khlam COVID-19.

Kiwi de kiwa klam ha kani ka sngi kynthup ya ka Secretary, I&PR, ka M. War Nongbri wa u Director I&PR, u B S Sohliya kiwa da e ya ki ktien pdiang sñiawbha wa ki ktien e khublei.