Jowai: I metyap wa sai ynnin ka janmiet na krem mooyong wa em ha Ksan, EJH da wan kam kiwa ha yung ki.
Ya uwa da khlaad da tip kam u Amir Hussain na Chirang Assam wei da pyntikna ya ini da ka kurim u wa ka bei yong oo.
Neiliang ki bor district dang pynkhreh ki wow yarap kit ya i metyap cha yung u hadien wa pyndep lut ya waroh iwa emkaam.
Ha iwi tawon i liang ka Indian Navy dang pteiñ ko wow pynemkaam ya ka kor ROV yow thooh chooh ya kiwa chah kset hapoh ka krem mooyong wa chlai um.
Ka Kirloskar dang pteiñ ki yei kaam yong ki wow pyndait ya ka pump ha kawi ka krem mooyong warim.
Ka Fire Service Odhisa da taan um ko chikynta nadooh 11 waje i step hadooh 12 waje pyrdi sngi wei da sai 90000 liter ka um.
Ka CIL da taan um ko na ki 2 tylli ki krem mooyong warim hadooh 5 waje i janmiet ynne iwa da pynkrehlang ya ki Pump 30 kynta wei ka um da sai 3402000 liter.
Ka KSB da pynemkaam ko ya ki pump yong ka nadooh 5 waje i janmiet ynnin ka sngi hadooh 3 waje i sngi ynne wei da sai um 3663000 liter.
Discussion about this post