Shillong: Ka sorkar jylla da ekti ko ha ka chnat puræ puthi wow yaklam wa kiwa pynlai skur næ ki Managing Committee (MC) wow pyrkhat neibynta ki manyung wa dooh wa duk hawa yatoh wa i su bai skur.
Hawa klam ynne ka sngi, u Symbood Myntri Rangbah ka jylla, u Prestone Tynsong da pyntip u wa ka sorkar da ekti ko cha ka chnat puræ puthi wow yaklam waki MC neibhah wa boon ki skur ha ka jylla toh kiwa pynlai da ki bru samen, wei hadien wa ka chnat da yoh ko ya i bor pynlai, ka sorkar daw chim ko ya ka rai wow pynmih ya ka hukum kammon wow leh.
Hawa yatoh wa i pteiñ yei khang ya ki thaw puræ, kawa ye u ktah ya ki khynnah, u Prestone da ong u wa ka sorkar daw bichaar bniah ko hajrong ki thaw puræ hadien ka 3 tarik u bnai wow wan. Da ong u wow pynemkaam da ki Online Class, ki khynnah kiwa da liwan noh cha ki chnong daw chem chitom ki neibhah boon ym ye ki wow yoh yaki Network, lait noh kitu ki khynnah wa em ha ki thaw sor.
Da ong u wa lada 10 tylli ki District ym em ki yei chah ktah, laitnoh ka EKH, ka sorkar leh hap ko wow pyrkhat neibhah ka sorkar ym ye kow wow khang bait yaki thaw puræ.
Discussion about this post