U Montri Rangbah ka jylla, u Conrad K Sangma da klam che u deiwa ong wa ym em de i pynbait bniah ya ka soskular Memorandum of Understanding (MoU) wa da yasoi neibynta wow pynbait ya ki 6 tylli ki thaw ha khappood ha i bynta wa nyngkong.
U Conrad da ong u yeini hawa kylli hajrong i mih biang i thombor ki pulit Assam ha ka chong Mallang Salbari iwa da jia ha ka 23 tarik uni u bnai.
Da ong u wa hajrong ini i jia da phah takit u ha ki pulit wei da pyntip leh wa da yaklam u wa u Montri Rangbah ka jylla Assam uwa da pyntikna wow phah ya ki pulit yong oo wa kam ini ymtoh de u jia i.
Neiliang u Conrad da ong u leh wa man uwa smat wow yachem wa ki bru kiwa dawa wow pait biang ya ka MoU wow yaklam sñiawthooh.
