Ka Organising Committee yong ka 5th Meghalaya Games wa kynthup lang ya ki sahep ka Department of Sports & Youth Affairs deilang waka Meghalaya State Olympic Association da pdiang ki wa em i sñiawkhia heiyatoh wa i baam wa da e cha kiwa yalehke ka Meghalaya Games.
Da ong ki wa kani toh ka sien wa nyngkong wa da pynman yaka Meghalaya Games kawa heh kamni wei da man ko leh ka sien wa nyngkong wa da pynman ka ha Tura. Wei yaka yalang pyrda leh haka 15 tarik da wan wow embynta lang da ka President ka ri India wei da man ko kawa jop deiwa emlang kiwa yalehke, kiwa chaad tynre, ki khynroo khyllood na kylleiñ ka jylla wei deiwa em leh ki Volunteer wa boon napoh ka chnong Tura.
Da pyntip leh wa da pynkhreh chiboon ki thaw chet kamjooh ki thaw baam yow pynbiang yeiwa emkaam kiwa yalehke.
Da pynche leh wa haka sngi wai pyrda da pynkhreh ar tylli ki yusong baam cha kiwa yalehke ha kani ka thaw pyman tangwa neidaw wa em i thut heini heitai da slem u pynpoi yei baam wei hadien wa ood kiwa yalehke neiliang kiwa bor wa pynlai ya kani ka lympung da pynkhreh smat ki yei baam miet iwa da sdang nadooh 7:00 waje.
Neiliang u John Kharshiing, Working President ka MSOA, da ong u wa sñiawthooh hi wa em kiwa rap chem chitom wei neiliang ka Organising Committee da sihlet ko yeini wa jia. Tangwa kattæ waroh ki thaw baam yong kiwa yalehke toh kiwa da krehkaam lut yow pynbiang yei baam wa bang wei da leh ya waroh iwa emkaam yow pyndap ya waroh iwa duna deiwa booh hakhmat yeiwa emkaam kiwa yalehke.
Discussion about this post