Shillong: Ka yung krehkaam u Registrar of Cooperative Societies, Government of Meghalaya da pyntip ko wa da sdang ya ka State Piggery Mission ynnin ka 10 tarik ha National Cooperative Development Corporation (NCDC), New Delhi.
Kani ka Mission toh kawa da sdang ynnin da u montri rangbah ka jylla, u Conrad K. Sangma hei emlang u Union Minister of State for Agriculture and Farmers’ Welfare, Government of India, u Kailash Choudhary, u symbood montri rangbah ka Meghalaya, u Prestone Tynsong wa u Managing Director, National Cooperative Development Corporation (NCDC), New Delhi u Sundeep Kumar Nayak.
Kani ka Piggery Mission toh kawa da mang poisa da ka NCDC, hadooh T.209 klur kawa man kam chibynta yong ka Aatma Nirbhar, namo wow pyndap yei emkaam doh sniang pyn da kiwa da ri hapoh ka jylla.
Hapoh kani ka Mission daw e ya ka ram (Loan) cha ki Cooperative Societies waki Cooperative Societies wa da dang sdang wot heiwa ym emkaam wow su ya ka sut wei ya kani ka ram ye wow su 13 bynta (Installment) hapoh 8 snem.
Heiyatoh wa ini, ka yung krehkaam u Registrar of Cooperative Societies, Meghalaya, Shillong da kyrpaad u ya waroh ki Piggery Cooperative Societies, Livestock Cooperative Societies wa ki Multipurpose Cooperative Societies wow lai cha ki yung krehkaam u Assistant Registrar of Cooperative Societies/ Sub-Registrar of Cooperative Societies wa em haapoh u pood krehkaaam yong ki khnang wow yoh myntoi na kani ka Mission.
Da pyntip leh wa kiwon kiwon ki seiñ namo ki Self Help Groups kiwa em ki dkhot (Membership) palat 15 ngut kiwa kwah wow yoh myntoi na kani ka Mission ye ki wow wan mih cha ka yung krehkaam u Assistant Registrar of Cooperative Societies/Sub-Registrar of Cooperative Societies neibynta ki yutip wa bniah.
Puræ leh: Da sdang ya ka Piggery Mission hapoh jylla kawa palat T. 200 klur
