Ynne ka sngi ki paidbah ka Lapangap, West Jaiñtia Hills da sdang biang ki wow ah kba nadooh na 10:30 i step hadooh 4:30 i janmiet dei synraan ki pulit na waroh ar liang ka Meghalaya wa Assam.
Da sdang chwa wow ah na Umchyrngan neitæ heipor chiteiñ sngi da ah won ha Lumkawang kiwa man ki bynta yong kani ka Pynthor Lapangap neibhah ynne hawa sdang da chah wow ah chwa du ha Umchyrngan da ki pulit ka Assam.
Hadooh wa kut i ah kba da antaad wa ki hali wa da yoh u ah ynne da man ki duna 11 Hectare na kamwa 53 Hectare tam ha Pynthor Lapangap.
Ha kani ka ka sngi da emlang ki seiñ kam ka Synjuk Ki Waheh Chnong Ri Jaiñtia, FKJGP, JSU, HYC, KSU, UHM wa kiwi kiwi.
Da wan leh wow yarap ah ya u kba da ki paidbah na ki chnong wa em hapoh ka Elaka Shiliang Myntang.
U Waheh Chnong, u Deimonmi Lyngdoh da e khublei u ya ki sorkar jylla wa ki pulit na waroh ar liang kiwa da pynlai bait ya ini i ah kba khamtam wa da yoh u ah ya u kba uwa da ieh khlem yoh u lai pait nadooh u Naiynru uni u snem nei khang ki pulit ka Assam.
Discussion about this post