New Delhi: Ka sorkar India ynne da rai ko wow pynyoo ya ka channel BTV World, kawa man ka channel ka Bangladesh TV ha ka Doordarshan Free Dish hapoh ka ri.
Kamjooh leh ya ka DD India daw yoh wow pait ya ka ha Bangladesh.
Ya ini da leh hadien wa da soi ya ka MoU hapyrdi ka Prasar Bharati wa ka Bangladesh TV(BTV) ha ka 7 Naisan 2019.
Ka channel BTV World man ko kawa kyrpang ya ki bru ka thaaiñ mihsngi wei man ko leh kam chibynta wow pynkhlan yei yatoh hapyrdi kini ki ar ri hadien wa kini ki ar sorkar da rai ki wow pynmih (co-produce) ya ka film hajrong u Banga Bandhu Sheikh Mujibur Rahman, ka wow pynwandur da u Shyam Benegal.
Ka sorkar leh da pdiang ko yei tyrwa ka Prasar Bharati wow pynyoo ya ka KBS World (English 24×7 Channel) yong ka sorkar Republic of South Korea ha ka DD Free Dish ha waroh kawi ka ri, kamjooh leh ki paidbah ka ri Korea leh daw yoh ki u pait ya ka DD India ha ri yong ki.
Discussion about this post