Ka High Court ka Meghalaya da pyntip ko wa da dep ko wow pynkhreh yow leh da ka Live Streaming yei chong bichaar heiwa kiwa yaleh mukotduma da ye ki u chong na yung yow pait yei bichaar yei kaam yong ki.
Ini man ko leh i jooh neibynta ki muktiar heiwa daw yarap ko ya kitu kiwa sah cha jngai wow yoh ki yei bichaar wei ym hap de wow rah tarik neidaw wym ye u poi cha ka yung bichaar.
Chooh chooh deiwa bood ya ka Meghalaya High Court (Live Streaming of Court Proceedings) Rule, 2022 kawa da pynman aiñ ha ka 17-10-22 dei thmu wow wai ya ka yung bichaar, u sdang noh da ka Live Streaming nadooh ka 09-11-22.
Kattu ym hap de kiwa yaleh mukotduma u pynlut por waroh chi sngi wow yang u pyndep yei kaam yong ki tangwa da ye ki u pait yeini waroh nei thaw wa em ki. Heijooh i por leh daw yarap ko ya ki bru paidbah wow yoo wei wow sñiawthooh kammon krehkaam ki yung bichaar.
Kamjooh leh ki muktiar kiwa dang sdang daw yoh ki wow sakhi wa kammon kreh ki muktiar kiwa da pliah na kyllieñ ka ri kiwa daw chimbyntalang lyngba ka Internet yow pynchlur leh ya kiwi wow jied u man kam ki muktiar.
Ya kani ka Live Streaming daw ye u pait ha u YouTube Channel ka High Court ka Meghalaya deiwa pynrap wa neidaw wa toh dang sdang, ye u em i thut ha wah ha neiñ.
