Neiliang ki pulit ka East Jaiñtia Hills da pyntip ki wa i bynta wa sahlut kari ha u sarok NH-6 nadooh Tuber- Chohchrieh-Phramer da ye chooh wow pynlait yow lai kyllooid ki kari khian. Kamtæ da kyrpaad wow em yei kitkhlieh wym toh u yaknieh wow lai chaphrang.
Heijooh i por da ong wa i hap wow khang yei lai ki kari wa kit palat 20 MT da man ko kawa eh wei da kyntu leh ya ki paidbah wow ya krehlang ki wa ki pulit.
Neiliang won ki pulit ka West Jaiñtia Hills da pyntip ki wa ki Truck wa wan na Guwahati na Shillong cha Khliehriat da phah pynyieñ ya ki ha kiwa boon ki thaw yow lait u khynnia kari na Phramer chaneiñ.
Ki kari khian leh de ye ki wow lai waroh arliang deiwa jai jai katwa yaka No Entry ya ki Truck wa kit palat 20 MT dang booh hi ha Phramer.
Da e buit leh ya kiwa lai da ki kari cha Khliehriat wa ye ki wow lai na Shangpung-Sohkympor-Byrwai -Pamra/Jalyah yow poi biang ha u sarok-bah.
