Ka Ministry of Women and Child Development (MoWCD) da khut ko wow tyrwa pyrtuid (Nomination) neibynta i pynkupburom, khusnaam (Award) ka Pradhan Mantri Rashtriya Bal Puraskar-2021 na ki khynnah, ki bru samen wa ki thaw puræ (Institution).
Ka Pradhan Mantri Rashtriya Bal Puraskar toh kawa thmu wow pynkup burom ya ki khynnah, ki bru samen wa ki thaw puræ wa em ha ka ri.
Ya i burom namo khusnaam daw pynkup ha ki ar kyrdan wa kynthup ya ka Bal Shakti Puraskar waka Bal Kalyan Puraskar.
Ya kini ki Award daw saam da u President ka ri ha Darbar Hall, Rashtrapati Bhavan ha ka tayaw Republic Day man la u snem hei emlang u montri rangbahdooh ka ri.
Kiwa yoh ya ka Bal Shakti Puraskar ye leh u chimbynta ha ka Republic Day Parade ha ka 26 Duyatra (January) ha Rajpath, New Delhi.
I thong yong ka Bal Shakti Puraskar toh wow pynchlur ya ki khynnah ha ki bynta waphær waphær kam ha ki kyrdan wa chemphang (innovation), i puræ puthi (scholastic), yalehke sport, art & culture, chlur (bravery) wa kiwi kiwi katwa ka Bal Kalyan Puraskar da e wow tipmit ya ki bru samen wa ki thaw puræ, kiwa da e chakri ya i bha i miat wa ya ka mynried ki khynnah.
Ya ka yutip wa bniah hajrong ini ye u yoh na ka website www.nca-wcd.nic.in wei daw chah wow pyndap namo tyrwa pyrtuid du lyngba ka Online wei ka tarik wa khaddooh wow tyrwa pyrtuid yeini toh ha a 15-09-2020.
Chooh chooh ka Ministry of Women & Child Development da pynche ko wa ki khusnaam wa da pynkup hei pyrtuid ka ICCW National Bravery Awards da ki chnat samen (private organization) ymtoh kiwa da tipmit da ka Ministry.
Feature Image: Wikipedia
