Dei thmu wow yaleh pyrchah yei dai ya ki Mobile Phone wa chah tooh kamjooh yei tooh ya ki Mobile wei yow yada ya ki tre Mobile heijooh i por wow yarap ya ki bor ka aiñ. Neiliang ka Department of Telecommunication (DoT) da pynkrehkaam ko ya ka Central Equipment Identity Registry (CEIR) kawa pynyabi ya ki IMEI (International Mobile Equipment Number) wa i booh yukheiñ (Database) yong waroh ki Mobile Operators.
Ka CEIR man ko kawa em hapyrdi namo ka Central System neibynta waroh ki Network Operator yow khana ki ya kiwon ki Mobile Phone kiwa da chah khang namo Black Listed yow pyntikna wa kini ki Mobile Phone ym krehkaam de ki ha kawon kawon ka Mobile Network hanla pynkylla ya ka Subscriber Identity Module (SIM) Card.
Ya ini u pynkrehkaam leh katni ha ka jylla ka thaaiñ North East kitæ ka Arunachal Pradesh, Manipur, Meghalaya, Mizoram, Nagaland wa Tripura.
Da ini kattu ki paidbah wa chah tooh Mobile ye ki wow ujor Online deiwa lai ha www.ceir.gov.in deiwa Upload ya ka FIR wa da e ki ha ki Police Station hajrong wa chah tooh ka Mobile ki deilang wa ka ID Proof yow Block ka ka Mobile Phone ki ha waroh ki Mobile Network ha kylleiñ ka ri.
Yeini u ye u leh du da ki tre Mobile Phone donhi wei hadien ini ki pulit daw ye ki u boodien lada em kiwon kiwon kiwa pyrchang u pynemkaam ya kini ki Mobile Phone.
