Shillong: U Champion Sangma uwi na kiwa sdang ya ka GNLA uwa ksoh leh ya ka kyrdan Chairman ynnin ka sngi da yoh jamin u na ka District Session Court. Ya ka jamin da booh hei dor T. 1 Lak kamjooh leh wa ym hoi u mih u naka jylla.
U Champion jooh man u kam u Deputy Superintendent of Police wei ha u snem 2009 deilang wa u Sohan D Shira da seiñ ki ya ka GNLA. Ha u snem 2012 ha u Naiynñiaw da chah kem u Champion na Umkrem ha East Khasi Hills i chnong wa khappood wa ka Bangladesh.
U Champion da pynngat ya oo hapoh ka aiñ Meghalaya Prevention of Detention Act (MPDA) da ki bor district ka East wa West Garo Hills.
Nyngkong hadien wa lait u, u Champion ong u wa oo daw lai phah chah sumaar chwa u neidaw wa ym em chait bha u wei daw pyrkhat won u hadien wa lada daw yakhun election u namo ym yakhun u ha u snem 2018.
Ha ka 14 tarik uni u bnai ka yung bichaar High Court da phah ko wow pynkut noh ya ka mukotduma u Champion hapoh 20 sngi.
Discussion about this post