Ki pulit ka East Jaiñtia Hills da pyntip ki wa nadooh 12:30 ynne i sngi da lait u lai biang ki kari ha u sarokbah NH-06 nadooh na Khliehriat cha Ratacherra hadien wa ynnin i step da sahkut biang u sarok hadien wa wa oor khyndaw biang ha Kuliang, ha Dona wa Ratacherra wei da chimpor hadooh 12 kynta wow pynkhooid yeini.
I sahkut kari ha ka thaaiñ Ratacherra da sdang ki nadooh ka 14 tarik heiwa da ye wow pynlait hei sngi ka 16 tarik tangwa ynnin i step ka 17 tarik da sahkut biang hadien wa da oor khyndaw biang ha ki thaw wa da kdaw haneiñ.
Ynnin i miet hiepor kamwa 8:00 waje da ye leh wow pynlait chwa wow lai ki kari dang du chiliang donhi heiwa i kreh wow pynkhooid ya u sarok da lai i khlem sangeh deiwa pynemkaam ya ki kari pooh chiloom ka NHAI.
Neiliang ki pulit da kyntu ki ya kiwa yah kari wow man ki kiwa husiar neibhah dang em boon ki thaw wa ye u oor khyndaw.
Neiliang ka India Meteorological Department (IMD), Shillong Centre da pyntip ko wa da rap duna u slap heiwa deiwa kheiñ hadooh 8:30 ynne i step man i kamni ha wah:
Khliehriat 62.6 (mm)
Mairang 8.0 (mm)
Mawkyrwat 33.5 (mm)
Mawphlang 4.2 (mm)
Williamnagar 24.2 (mm)
Baghmara 0.0 (mm)
Nongpoh 10.0 (mm)
Jowai 47.8 (mm)
Shillong 13.8 (mm)
Barapani 10.6 (mm)
Nongstoin 19.0 (mm)
Tikrikilla 22.0 (mm)
Mawsynram 145.2 (mm)
Sohra 214.6 (mm)
