Ki 22 ngut ki khynnah na Meghalaya kiwa da chah sumaar neiwa baam yei baam wa da sih da man bih ha Karnataka, da yoh noh ki wow mih nei thaw sumaar ynnin ka sngi deilang wa 7 ngut kiwi kiwa na Karnataka kiwa da sahlang ha ka Hostel wa jia ini.
Kam wow pynkynmoo wa ar ngut kiwa na Meghalaya uwi uwa 12 snem wa uwi uwa 13 snem da dooh noh ki yei mynsien ki na ini wa jia heiwa da baam ki yei baam wa da sah ha ka 15 tarik hapoh Hostel ki iwa da pynkhreh yow baam khawai ha ka 14 tarik kam chibynta ka lehkmen Holi.
Kini ki khynnah toh kiwa chah sumaar ha ka Mandya Institute of Medical Science wa em hapoh ka Mandya District.
Yeini leh da pyntikna da u Montri Rangbah ka jylla, u Conrad Sangma uwa da pynsñiaw yei kmen wa da yoh ki u mih Hospital deiwa e khublei leh ya ka sorkar Karnataka yei e ko yei kyrchaan.
Kini ki khynnah kattu daw pait ki da ki bor District ka Mandya da ka Child Protection Officer.
Daw yarap leh ya kini ki khynnah wow chong ki yow thoh ya ka Final Exam yow lait u sepai u snem puræ wei ka sorkar Meghalaya da kwah ko wow wanrah biang ki chapoh ka jylla.
Discussion about this post