Da yoh pyllait ya uwi u Slow Loris na EGH

Jowai: U Deputy Commissioner ka East Garo Hills da pyntip wa da yoh ki u pyllait ya uwi u mrad Slow Loris na ki bru wa em ha ka chnong Samanda ha kini ki sngi wa da dep.

Hadien ini ya uni u Slow Loris da e kti cha u DFO Wildlife, WGH kiwa da pait da sumaar ya oo yow pyntikna wa man u uwa chait.

Ha ka 8 tarik uni u bnai da pyllait ya uni u Slow Loris hapoh ka Nokrek National Park iwa man leh i thaw wa kini ki jait mrad im ki.

Neiliang u DC da ong u wa emkaam bha wow pynsñiawthooh paidbah wa ym hoi u kem ya ki mrad khloo wei da khut u leh ya waroh wow yakrehlang yow im deisuk deisaiñ wa kiwi ki mrad.