Ki paidbah wa chong wa sah ha Raj Bhavan Colony ha Gangtok, Sikkim ynnin i miet da pyntip ki cha ki chnat ka Forest ka jylla Sikkim wa em kawi ka dngiem namo ka Himalayan Black Bear kawa da wan psiah chapoh kani ka Raj Bhavan iwa man ka sien wa nyngkong wow wan kam kani ka jait mrad cha kani ka thaw.
Ynne i step ki bru na ka chnat Forest and Environment Department wa ki pulit da ye ki wow siat (Tranquillized) ya kani ka dngiem wei da kit noh ya ka na ini i thaw chwa wow pynlait biang ya ka cha khloo.
Neiliang ka Divisional Forest Officer (Wildlife) ka D. Lachungpa da khana ko wa man i iwa rap ñiaar wow wan kam kani ka jait dngiem chapoh ka nongbah Gangtok wei hadien wa da kyrriah ya ka na ini i thaw daw lai pynlait noh ya ka cha Pangolakha Wildlife Sanctuary kawa em ha East Sikkim.
Kani ka jait dngiem toh kiwa da yada hapoh ka aiñ Wild Life Protection Act 1972.
