Shillong: Ka Jaiñtia Students Union (JSU) Shillong Circle da pynbna paidbah ko ya ki dkhot ksohkaam wa thymme yong ka, ha ki kyrdan wa thylli yong ka seiñ.
Yei kaam Education Secretary da pynskem noh da u W. Bareh, ya ka kaam Asst. Organising Secretary da ksoh noh da u M. Niang, Finance Secretary da pynku kyrdan da u H. Siangshai u wa jooh ksoh leh yei kaam Office Secretary.
Ya kini waroh da pynskem ya ki da u President ka seiñ u E.C. Dkhar ha ka yung krehkaam ka seiñ ha ka 11 tarik uni u bnai.
U President da kyntu u ya kini kiwa ksoh kaam thymme wow krehkaam ki katkam ka kyndon ka riti synchaar ka seiñ wei wow kreh ki neibynta ka jaitbru wei wow pynemkaam hok yei kyrdan yong ki wei wym hoi u chah pynbiej ki ha i bor ka poisa yow man ka seiñ wa ye u krehkaam deiwa khooid.
Da pyntip chooh chooh leh wa daw pynman leh ya 6th Jaiñtia Meet 2017 heiwa daw em leh ka yakop Football, Cricket, Basketball, Dancing, Singing, Quiz, Essay wa kiwi wei ya ka tarik daw pynbna hadien.
Ya kani ka khubor da pyllait da u R.S. Nongtdu, GS JSU Shillong Circle.
Discussion about this post