Dadep e 10 tylli ki NOC cha ki karkhana khyndaw-bilat; 5 tylli ki wah heh hapoh i pait ka JHADC

Ynne ka sngi wa khaddooh yong ka Dorbar Mang Tangka ka JHADC, u MDC na Saphai Sahsniang, u Rikut Parien da kylli u katwon tylli ki karkhana pynmih khyndaw-bilat wa krehkaam hapoh u pood ka JHADC.

Hawa jubab yeini, u CEM, u Thombor Shiwat da khana u wa em 7 tylli ki karkhana wa krehkaam hapoh u pood ka JHADC.

Manda kylli won katwon tylli ki NOC wa da e, da yoh jubab wa dadep e 10 tylli ki NOC neibynta ki karkhana khyndaw-bilat.

U Rikut da kylli u leh katwon tylli ki wah heh wa em hapoh i pait ka JHADC.

Related posts

Da wai sa ar tylli ki Multilevel Car Park ha Shillong

November 4, 2026

I yakhih pyrchah ya u CEC toh i yakhih laitlooid wa ar ka ri, wan ong ka heh Congress ha Jowai

November 4, 2026

U EM ka Council, u Hambertus Nongtdu da jubab u wa em 5 tylli kini ki wah wa kynthup ya ka Myntu, Myntang, Mynngot, Mynkhen wa Kupli.

Chooh chooh da kylli u wa lada em ki River Guard wa da booh wow yada ya ki, neiliang u Thombor da khana u wa em hi nachwa tangwa hadien wa lilam ya ki wah da pyndam noh ya ki.

Heiyatoh won wa i kylli u Rikut wa lada em kiwa paan bor na ka Council wow pynman Fish Sanctuary ya ki wah, u Thombor da khana u wa em hi kiwa da yoh ya ka NOC.