Dai ki dkhot ka Eco Club ka Thomas Jones College ya ki jhoor wa rep ki

Jowai : Ka Eco Club ka Thomas Jones College ynne ka sngi da leh ko iwa rap phær deiwa dai ko ya ki jhoor wa rep ki hapoh ka Poly House wa em ha ka College wa e ka tnat Horticulture wei da thung ya u yanem, kubi wa u phul.

Ya ini i dai da pynman ha MTC Stand Iawmusiang heiwa i dor yong kini ki jhoor leh ym em booh wei ki paidbah ye ki u thied ha i dor wa sñiawbiang ki wei du kattu katni por donhi da lut plak da ki phaw synduk wa wanrah ki dkhot ka ECO Club.

U W. Lamin, Coordinator Extra Curricular Activity Committee, Thomas Jones Synod College wa ka S. Dkhar Incharge Eco Club, Asst. Prof. Environmental Studies da emlang ki ha kani ka sngi wei da pyntip ki wa kini ki jhoor da rep khlem pynemkaam dawai sboh kamtæ man ki ‘Organic Products.’

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da ong leh wa da leh ya ini yow pynchlur ya ki paidbah wow thung jhoor ki ha yung kam ha ki kpær ki kchu syntu wa kiwi kiwi neibhah iwa thung hi pyn da i man i iwa khooid wa kiwa bha u baam.

Sa iwi wa kwah ka ECO Club u yah luti toh u dam u pynemkaam plastic heiwa ha kani ka sngi da song ya ki jhoor ha ki muna kot (Paper Bag).

Ka poisa wa mih na ini i dai jhoor da lai ko cha ka ECO Club.