Jowai : Ym du ha ka jylla Meghalaya wa ood wa ha uni u snem i kjam man ki rap joor ya kiwi ki snem.
Ynnin ka sngi ki stad syan ong ki waroh ka thaiñ Northeast da poi i kjam hadooh 3 Degree Celcius wa 8 Degree Celsius ha ki thaw wym joh poi i dait thah kamni.
Ha ka jylla Tripura kawa man ka jylla wa rap chit da poi i dait thah hadooh 6.3 Degree hei miet katwa hei sngi won da em hadooh 23.5 Degree Celsius.
Ka India Meteorological Department (IMD) da ong ko wa ym du ha Agartala wa joor i dait thah, ini da sariem i ha waroh ki jylla ka Northeast wei ong ki leh wa ym em yooluti wa daw slap ha kini ki sngi wa daw wan kamtæ ong ki wa i chit daw sdang ku biang i.
Ha Aizawl, Mizoram leh ha ka 12 tarik da poi i dait thah hadooh 3.2 Degree Celsius wa pynman ya ka tai ka sngi wa kjam dooh ha ki 20 snem.
Discussion about this post