Shillong: Ka District Magistrate, East Khasi Hills District da pynkrehkaam ko daka Section 144 CrPC yow khang ya iwon iwon i tih ya ki mar pohkhyndaw iwa man pyrchah yaka aiñ hadooh i tih moo tih chyiap na ki um ki wah da kiwon kiwon ki bru, ki Company khlem da yoh yaka Mining Licence, Quarry Permit wa kiwi ki Clearance Certificates na ki bor sorkar.
Ya kani ka hukum da pynmih yow lait i booh hei ma ya ki mynsien bru wa yaka rymaw hadien wa da yoh yutip wa i tih moo moo pyrchah yaka aiñ ha ki loom wa ki wah ka East Khasi Hills District dang pteiñ hi ki.
Katkam ka hukum wa da yoh naka National Green Tribunal, Principal Bench, New Delhi da khang ya kiwon kiwon ki bru, ki Company wa kiwi wow tih ya ki mar pohkhyndaw, i tih moo na ki loom wa i tih chyiap na ki wah hapoh ka ri khlem yoh yaka Mining Licence/Quarry Permit wa kiwi ki Clearance Certificate katkam ka EIA Notification 2006 ka MoEF&CC, Government of India.
Da ong wa kini ki kaam da wanrah ko ya i tooid ki moo ki khyndaw wa kiwi kiwi cha ki wah kiwa wan na ki loom kiwa da pynsih leh ya ki jhoor wa em ha chrooh u loom, ki sarok hadooh ki National Highway kiwa da ktah leh yaka um dih ki bru wa ki doh wa em ha ki wah.
Kani ka hukum u krehkaam ko chisyndon hadooh wa pynmih won da iwi tawon.
Discussion about this post