Jowai: U DC ka East Garo Hills u Swapnil Tembe da pynkrehkaam u daka Section 144 Cr.PC hapoh ka District yow khang yei khrong poisa ya ki truck kit mooyong ha u sarok bah NH-62.
U DC da ong u wa da yoh yutip u wa tikna wa em ki bru samen, ki seiñ, ki VDP kiwa khrong poisa hei rukom wow e sñiawbha namo ka Donation deiwa maham wei pynbor ya kiwa yah truck.
U DC da ong wa ini i rukom khrong poisa man ko pyrchah yaka IPC Section 383 hanlada em wa e poisa dei monsñiawbha yong ki.
Ini waroh da ong u DC daw ktah ko yei chong suk ki chnong ki thaw iwa ye wow wanrah ya i awri awra.
Kamtæ da khang u ya waroh kiwa khrong poisa hanlada ka seiñ yong ki man ko kawa da tipmit namo kawa da dep Register wei kani ka hukum u krehkaam ko chisyndon.
Discussion about this post