Jowai: Kam chibynta wow lehkmen yaka Independence Day, ka Vanglai Club Saitsama da pynman ko da ka Inter-Dong Football Tournament, kawa da wan ya chimbynta da ki 6 tylli ki dong yong ka chnong kawa da sdang ynne 12 tarik uni u bnai daka yalehke hapyrdi ka Dong Surok (Saitsama) pyrchah ya ka Dong Mission (Saitsama) heipor 3 waje i janmiet.
Kani ka yalehke man ko kawa yoosuk wei kawa yatoh bor ki ar liang heiwa hajan wow kut i por, ka Dong Surok da ye ko u pynkhih jaar ha ka minit kawa 62 kawa da thap da u Refine Pyrpet wei kani ka kool da neh wei da pynjop ko yaka Dong Surok pyrchah ya ka Dong Mission.
Ha kawi tawan ka yalehke ha kani hi kajooh ka sngi kawa da pynman ha i por 4:30 janmiet hapyrdi ka Dong Lumshyrngan waka Dong Khliehshnong da yoh u pyndep du yaka kylla step hadien wa pynwit slap waka lær kawa joor.
Hawa yatoh wa kani ka yalehke da pynbait wow pynman biang sa chisien ha ka 13 trk uni u bnai kamwa da rai da ka Committee yong ka Vanglai Club Saitsama.
U S. L. Vaichei, da man u kam u kongsan ha kani ka sngi we da yoh leh i sneiñ i kyntu na oo.
Ya ka yalehke Final u pyndep ha kani ka 15 tarik.
Discussion about this post