U Working President ka United Democratic Party (UDP), u Titosstarwell Chyne da pyntip u wa ka Party da pynkhreh bha ko neibynta ka Election ha u snem 2023, wei da yoh leh ya ki kyrtong na kiwa boon ki Constituency.
Da ong u wa ka UDP kamwa man katni da yoh ko ya ki kyrtong na ki 29 tylli ki Constituency, wei ha ka tayaw wa nyngkong u Naiynñiaw daw yaleh wow pynbna ya ki pyrtuid ki kyrtong ha ka wat wa nyngkong.
U Titos da pyntikna u leh wa waroh ki MLA wa MDC wa katni yong ka UDP u yakhun ki ya ka Election MLA, wei em leh kiwi ki MLA na kiwi ki Party kiwa da pynsñiaw wa kwah ki wow yakhun na ka UDP.
U heh ka UDP da klam che u leh wa ym em ki MLA ka Party ki wow mih yakhun na kiwi ki Party, tangwa da ong u wa em ki MLA na kiwi ki Party kam ka Congress, AITC kiwa da yaklam wa ka UDP wow yakhun noh ya ka Election na ka Party, tangwa da kyntait u wow khana yei pyrtuid yong ki neibhah i por dang man iwa smat ware.
