Dang bichaar bniah ka sorkar wow pynbait ya ka MRSSA, wa da pynuiñ ka MHA: Prestone

Ka Sorkar jylla dang bichaar bniah biang ko ya ka aiñ Meghalaya Residents Safety and Security Amendment (MRSSA), 2020 wa da pynuiñ noh da ka Ministry of Home Affairs ka Sorkar Pyrdi.

Katkam wa ong u Symbood Montri Rangbah ka jylla wa pait ya ki kaam pohyung, u Prestone Tynsong, ka Sorkar India hawa pynuiñ ko ya kani ka aiñ da kylli ko wa wa kani ymtoh u ktah ko, khamtam wa ka jylla Meghalaya man ko ka jylla wa kiwa chong chnong kiwi ki jylla hap lai lyngba ki (Transit State).

Hawa pynsñiaw wa ka Sorkar Jylla daw hap phyllu yillu bha ko hajrong kani ka aiñ wow yoh yei mynjur, u Prestone da ong u wa boi ya kani ka mat leh emkaam u yaklam ha ka yalang ka All Party Committee (APC) wa da chna wow klam hajrong ka luti rel ha ka jylla.

Related posts

₹7 lak e kti u Sniawbhalang Dhar cha ka Mynkrem Sports Club yow pynbha pynmiat ya ka madanbol

February 9, 2026

I dawa hiar chuki da em bait i ha ka Politics: Prestone

February 9, 2026

Chooh chooh da ong u wa ka sorkar daw sylli bniah ko ya ini i kaam neibhah wa emkaam u em da kawi tawon ka luti neibynta i bha i miat wei i yada wa pura ya ki paidbah wa chong chnong ka jylla Meghalaya.

Kam wow kdaw heini, ka Sorkar India lyngba ka Ministry of Home Affairs (MHA) nadooh u Khonchonglad 2023 da pynuiñ ko ya ka Meghalaya Residents Safety and Security Amendment Bill (MRSSAB) 2020, deiwa kdaw kattu katni ki daw, wa khynthup ya i pynyieñ ya ki Entry-Exit Point wa em ha ka Bill wa da mynjur da ka Yung Dorbar Chna Aiñ ka Jylla.