U Montri Rangbah ka jylla, u Conrad Kongal Sangma da ong u wa ka sorkar da chimkhia ko yei rai wa da pynmih hukum da ka Meghalaya High Court hajrong i booh ya ki khyrdop lyngba ka aiñ Meghalaya Residents’ Safety and Security Act (MRSSA), 2016.
Neiliang u Conrad da ong u wa kamwa man katni, ki khyrdop wa da booh da ka sorkar ki krehkaam ki leh wow pait bniah ya ki bru wa wan na baar wow yada na u COVID-19, ya kawa ka sorkar ka hap ko wow pynlai bait chakhmat.
Da ong u wa ka sorkar dang bichaar bniah ko ya ka rai wa da pynmih da ka High Court wei daw chim rai kammon wow leh.
Kam wow kdaw heini wa ka High Court ha ka tayaw wa da dep da pynmih ko ya ka hukum wa ka sorkar jylla ym ye ko wow booh ya ki khyrdop wow khynra næ bichaar ya kiwa chong chnong wa pura ka ri India kiwa wan cha ka jylla deiwa pynkrehkaam ya ka Meghalaya Residents’ Safety & Security Act (MRSSA) khlem da booh kyndon wa che.
Hawa kylli hajrong ka Meghalaya Residents’ Safety and Security Amendment Bill, 2019, u Conrad da ong wa ka sorkar ka dang pteiñ ko wow yaklam wa u Lat ka jylla wa kamjooh wa ka sorkar India, heiwa ka sorkar India da e yumut ko leh kattu katni hajrong ka MRSSAB. Da ong u wa lada ka sorkar India e dak ko iyi iyi, neiliang ka sorkar jylla daw lai ko chakhmat wa kani ka aiñ.
Puræ leh: Phah pynsangeh ka Meghalaya High Court yei pynkrehkaam ya ki Check Gate
