Jowai: I yaleh wow sai ya i metyap wa chem ha ka step ka 26 tarik uni u bnai hadooh ynne ka sngi dang man ko kawa chitom ya ki chipai ka Indian Navy neidaw wa em ki tiar ki tar wa pynwit kiwa em hapoh paar mooyong wa chah kset ki 15 ngut hapoh ka krem mooyong wa chlai um kawa em ha Ksan, EJH hanlada kattæ leh dang pteiñ hi wow leh ya ini i kaam deiwa pynemkaam ya ka kor ROV.
Heiyatoh won wa i taan um na ki krem mooyong wa em hajan, ka CIL da pynemkaam ko ya ki ar tylli ki Pump yong ka na ki ar tylli ki krem mooyong wa hajan ka krem mooyong kiwa chah kset hadooh 5 waje ynne i janmiet wei ya kini ki Pump da pynemkaam lang 34 kynta wei ka um wa da sai da poi ko 3855600 liter.
Ka Company KSB won nadooh 12 waje pyrdi sngi hadooh 5 waje i janmiet ynne ka sngi da sai um ki kamwa 990000 liter.
Neiliang ka Fire Service Odhisa da sangeh ki wow taan um yow e laad ya ka Kirloskar Brothers Limited u pyndep wow pyndait ya ka Pump yong ki ha kawi ka krem mooyong warim kawa dang pteiñ i kreh.
Kamwa jooh ki dkhot ka NDRF da yarap ki yeiwa emkaam ka Indian Navy wa kiwi kiwi.
Discussion about this post