• About Us
  • Contact Us
  • Privacy Policy
  • Advertise With Us
  • Terms & Conditions
Friday, May 9, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home News

Dang e daw hi ka sorkar pyrdi yei wym pu e ILP

Wyrta Staff by Wyrta Staff
April 1, 2025
Reading Time: 4 mins read
A A
0
Share on FacebookShare on Twitter

Uwa e ktien ka sorkar MDA-II, u Paul Lyngdoh da ong u wa ka sorkar jylla ym pu em kynrandien ko heiyatoh wa i dawa na ka sorkar India wow pynkrehkaam ya ka Inner Line Permit (ILP) hapoh ka jylla, wei da emkaam wow pynjoor yei lai khroh ya ka sorkar India yow ye u pynkohngooh yei rai yong ka sorkar jylla wow pynkrehkaam ya ka ILP.

“Kani ymtoh ka kaam wym ye ka sorkar jylla wow leh. Ka sorkar jylla ye ko du wow pynsñiaw tangwa ka rai wa khaddooh chong ha ka sorkar India”, da ong u.

“I ym pu em kynrandien i ya kani ka rai (Resolution) yong ka yung dorbar chna aiñ ka jylla. I leh embynta i ha ki snem kiwa rap nachwa wow wanrah ya kani ka dawa. I hap i wow pynkhlan ya kani ka lai khroh ka yong i khnang wow ye i wow pynkohngooh ya ka sorkar bei yow chim ya kani ka rai pynkrehkaam ya ka ILP”, da ong u Paul Lyngdoh.

Da ong u leh wa u Montri Rangbah, u Conrad K Sangma da sdang pteiñ u wow yaklam wa ka sorkar India hajrong kani ka phang, wei da yaklam u leh wa u Montri Kaam Pohyung ka sorkar pyrdi, u Amit Shah wei da khana u leh wa em boon ki artatien wa ka sorkar India da pynsñiaw ko ha u Montri Rangbah.

Related posts

Sangeh yakhih ka MCTODA | Da e por ya ki karkhana Coke 10 sngi

May 9, 2025

Siat ka Pakistan ya ka skur wa pynlai da ki Nun hadooh wa yap ar ngut ki khynnah

May 9, 2025

Katkam i ong yong u Paul, i artatien yong ka sorkar India toh deiwa e boon ki daw wa kynthup wa ka jylla Meghalaya em ko hapoh ka 6th Schedule kawa da e yada kyrpang yei khyndaw u chyiap, wei ka jylla Meghalaya toh ka jylla wa hap lai lyngba cha kiwi won ki jylla ka thaaiñ Northeast iwa da wanrah yei eh kammon u khang ya ki bru wa lai luti cha kiwi ki jylla.

“I ymtoh u pait i du yei eh wei toh u pait leh yei long i man. Kiwa yahkhmat leh toh u pait ki yeiwa ye u man. Kiwa yahkhmat toh wow man ki kiwa ye wow pyndooh yeini i eh”, da ong u.

U Paul da ong chooh chooh u wa ka ILP ymtoh i kwah du yong ka sorkar, tangwa toh i kwah yong ki paidbah ka jylla kawa da pynsñiaw hapoh ka rai yong ka yung dorbar chna aiñ wa da mynjur lang da ki 60 ngut ki MLA kiwa mihkhmat ya ki paidbah.

Kam wow kdaw wa ka yung dorbar chna aiñ ka jylla da mynjur ko wow dawa pynkrehkaam ya ka Inner Line Permit (ILP) ha u Kmaichonglad (Dec) 2019, tangwa hadien 5 snem da sahteiñ ko hei yang yei rai ka sorkar India.

ShareTweetSendShare
Previous Post

Pynman ka Kur Nongpluh Pyllun ya ka yachemlang wa ynñiaw ha Moodymmai

Next Post

U yakhih ki seiñbhalang ka Khasi, Jaiñtia wa Garo yow pynkylla ya ka Schedule Tribe Order 1950

Next Post

U yakhih ki seiñbhalang ka Khasi, Jaiñtia wa Garo yow pynkylla ya ka Schedule Tribe Order 1950

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar