Dang kheiñkor ware yeiwa chna u bru bar yeiwa chna u Blai iwa chisien da dooh ym yoh de

Ha ka yalang yachem yow ya phyllu heiyatoh wa ki aiñ ki kyndon neibynta u yada ya ka rymaw, wa kynthup nadooh wow pynneh pynsah ya ki um ki wah, wow kiar nei noh jhep kulmar wa pynman da ka District Legal Services Authority, West Jaiñtia Hills chirup i ya krehlang ka Meghalaya State Pollution Control Board (MSPCB) deilang ka seiñ Khooid Ya Ka Wah Myntdu ha ka 9 tarik ha yungwalieh ka Chilliangraij, Jowai. Da wan wow embynta wa u W.R. Kharkhrang, Senior Environmental Engineer ka Meghalaya State Pollution Control Board, Shillong kam u bru chemphang uwa da khut kyntu kyrsu u ya ki waheh chnong wow yalum yalang biang ki para waheh neibynta u pyrkhat hajrong kammon u yada ya ka rymaw kamjooh i khooid i jngiar, wei ong u leh da toh u e dei thoh namo ka Petition cha ka JHADC khnang wa ka District Council u khyrngait ko wow em noh da ka aiñ By-Law yong ka hi.

Heiyatoh wa i jhep ong u, iwa nyngkong dooh hi toh u em i yakrehlang ki paidbah deiwa sdang na yung u pynkhlaad yei jhep wa jhieh wa ki wym jhieh. Wei deiwa leh kamni napyrdi ki jhep wym jhieh em hi leh kiwa em dor wa ye u pynkylla ya ki ha iwi won i rukom yow ye u dai ki.

Ong u wa lada kwah wow e ka mynried wa bha ya ka jaitbru, wei u yoh leh yei chait i khiah toh u sumaar bha ya ka rymaw najrong i khooid i suba.

Heijooh i por leh ong u wa ka jaitbru wa dooh noh ya ki um ki wah, katæ ka jaitbru leh daw wiar ko.

Related posts

Pynkhreh ka chnong Jowai wow pdiang sngi Christmas da ki pynriam wa harukom

December 23, 2024

Jop ka Wahsuka FC ya ka Mukhla Mission ha ka 5th Moodymmai Open To All Knockout Football Tournament

December 23, 2024

Hawa kyruiñ u cha ka wah Myntdu, da kyntu u wow khyrngiat yong bru noh katni, neibhah wa ka wah Myntdu toh kawa e i im ya ki paidbah.

Pynsñiaw u leh i diaw wa boonsein ki bru rap kheiñkor ki u lehkhooid ya ki thaw lehniam thaw mane Blai wa chna hi da u bru kawa ye u tympra næ chna pynbha ha iwon iwon i por bar yeiwa chna u Blai wa chisien da dooh ym yoh de.

Kamtæ kyrpaad u ya ki waheh chnong wow pyrchang ki yeiwa bha, khnang yow lait u sihlet hadien deiwa ong ileh chwa wym leh i ha kitu ki por.

Wei kamwa kani ka sngi man i i sdang yong i lai luti yooluti u wa ini i kaam ha Jowai wow prat neini chakhmat neibynta i bha i miat ka bei rymaw wa ki soodong sookun, yooluti u wow man i iwa jop.

Ha kani ka yalang da wan emlang ki waheh chnong waphær waphær, ki bru napoh ka District Legal Services Authority, u President ka seiñ Khooid Ya Ka Wah Myntdu, u K.L. Pariat wa kiwi.