Dang khlan ka BJP ha 1–Nartiang kat dang mih ki sngi

Jowai: Kat dang mih ki sngi wei kat dang jan ka Election MLA 2018 ki seiñ saiñ hima ha jar jiar ki Constituency dang pynkhreh ki wow wanrah yei jop ha kani ka Election.

Kam ha kini ki por ka BJP hapoh ka 1 Nartiang Constituency da kam ko wa nadooh wa pynthymme ya kiwa kitkaam yong ka da ku bha ko katni hapoh i yahkhmat u Daimon Dhar kam u president, u Ridon Phalangki wa u Pyndapbor Rymbai kam ki General Secretary, u Balajied Nongrum wa u Jerry Siangshai kam ki Vice President.

Ha kani ka 13 tarik uni u bnai heipor wa pynman ya ka Booth Level Karikartas Samelan yong ka West wa East Jaiñtia Hills du na ka 1 Nartiang Mandal da wan hadooh san spah tam ngut ki Karikartas namo kiwa ksohkaam ha ki Booth Level yong ka party.

Hapoh ka 1 Nartiang ka BJP da ye ko wow chna hadooh 32 tylli ki Unit hapoh yong ka Booth Level Committee.