Dang lah u lai cha Supreme Court yow pynbait ya u pood, ong u PN Syiem

U Deputy Chief Executive Member ka KHADC, u Pynshngain N Syiem da sñiaw u wa ka luti kawa lah kawa rap biang yow pynbait ya u pood u ang hapyrdi ka Meghalaya wa Assam toh deiwa lai cha ka Supreme Court ka ri.

Da ong u wa ka District Council katkam ka United Khasi-Jaintia Autonomous District Council, da em ko ki kot ki sla wa che ya u pood u ang yong ka wei kattæ iwa emkaam toh wow lum ya ki sakhi satar yow lai pynsakhiat ha ka Supreme Court.

U Pynshngain da ong u wa lada leh da ka sorkar næ ki bor saiñ pyrthai ym poi cheiwon cheiwon tangwa lada lai cha ka Supreme Court daw paan ko ya ki sakhi satar tangwa iwa emkaam toh wa i long i man ki hima kiwa em ki dulir wow pynyieñ hakhmat ka kasari.

Kam wow pynkynmoo wa ka sorkar Meghalaya wa ka sorkar Assam da pynbait ki ya 6 tylli ki thaw wa da yaknieh na ki 12 tylli wa sa 6 tylli kiwa dang sah wow pynbait wa kynthup kam ka Langpih, Block 1 wa 2 wa kiwi.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025