Jowai: Ynne ka sngi le ngut ki bru na chnong Mowkaiaw, Mookyndeng wa na Raliang da wan ujor ki ha ki pulit ka Jowai Police Station pyrchah ya u Wailutki Suchiang neidaw wa da chim ram u khlem pynuiñ biang ya ka wei kamjooh leh da kular kreh Pulit u hei kyrdan Sub-Inspector.
Na u N. Syngkon uwa na Madankynsaw, Mookyndeng wa na u S. Dkhar na Raliang da chim u deilang T. 20 Lak kam ka ram ha ka 17.06.16 wei da kular u wow su ya ka hapoh le bnai.
Da pynbeit u ya kini ki arngut deiwa rah u ya ka cheque (HDFC Bank) wa da thoh wa su u Kheinkor Sajem cha oo T. 10 Klur. Da pynyoo u leh ya ka dostabit wa u wi u bru na Assam uwa pyrtuid kam u Mahon Singh da e sñiawbha u cha u Wailutki T. 50 Klur neidaw wa yarap wei leh bha u ya oo.
Na uwa na Mowkaiaw u N. Shadap da chim ram u T. 5 Lak wei kamjooh leh T. 1.5 Lak yow yarap yoh kreh kaam kam u Sub Inspector wei ya ka poisa T. 1.5 lak da kam u Wailutki wa da dep e u cha u ma Pasi.
Kam wow pynkynmoo wa ha ka 19 tarik ka seiñ HNYF da dep kem ki ya uni u bru tangwa neidaw wa ym sabut wa uni u bru chim poisa u na ki bru da pyllait noh ki pulit ya oo.
Ya ka takit da chim kti da ki pulit ka Raliang.
Also Read: Chah kem uwa jooh yakreh wa u SP warim ka JH, uwa thok u e khih pulit
Discussion about this post