Shillong: U Symbood Montri Rangbah ka jylla, u Prestone Tynsong da ban biang u wa ka sorkar Meghalaya Democratic Alliance (MDA) dang pteiñ ko wow pyrchah bait yei pynkrehkaam ya ka Citizenship (Amendment) Act, 2019, kawa da pynman leh yaka sorkar wow khut ya ka dorbar kyrpang ha ka 19 tarik u Kmaichonglad (Dec) 2019 wow pynyoo yei yatylli ki paidbah ka Meghalaya.
Hawa kylli, u Tynsong da ong u wa ka rai yong ka dorbar wow dawa ya ka Inner Line Permit (ILP) da biang ko wow pynyoo wa ka jylla kwah ko wow pyllait pura na i krehkaam ka CAA. Da ong u wa kamwa da yoo wa ka sorkar da dep tip chwa wa ym ye de wow pyndam ya ka CAA, tangwa ka sorkar ka thooh ko ya ki laad wow lait na i chah ktah na kani ka aiñ.
Hawa kylli, lada ka sorkar India daw e ko ya ka ILP ha Meghalaya, u Tynsong da ong u wa daw tip hadien wa yachem wa u Montri kaam pohyung, u Amit Shah.
Discussion about this post