Khliehriat : Hadien wa da chongdoom ka Bataw PHC la kamwa 4 bnai kattu, neiliang ka seiñ Southern Border Youth Welfare Association (SBYWA), East Jaiñtia Hills Dist. Khliehriat kawa hap hapoh Elaka Rymbai wa ka Lakadong hei yakhmat u Skhembor Shadap, President wa u Namphrangmi L. Talang General Secretary yong ka Seiñ (SBYWA-Central) da lai yachem ki wa u ma E. Pala SDO Health Engeering Wing, Jowai hapoh ophis krehkaam tangwa wym em yoh ya chem neidaw wa em thaw lai u cheiwi tawon (Duty).
Katwa kamtæ ka seiñ da yoh ko u ya klam wa ka Kong Malang (Ka Bara Babu) wei da e ki ya ka Dorkhat heiwa yatoh wei chongdoom ka Bataw PHC tang neidaw wa sah ram ka tnat Health Dept ha ka MeECL Khliehriat hadooh wym bien de ki u kylliang ya u Transfomer wa da sih wa em ha katai ka PHC.
Neidaw wym yoh u yachem wa u SDO Jowai markhmat ka seiñ da yaklam ko lyngba ka phone. “Neiliang u ma Pala SDO Jowai (HEW) da ong u wa ka ophis yong ooo da thoh ko cha ka DMHO Khliehriat wow leh yei wa emkaam wei wa cha ka MeECL Khliehriat” da ong u ma Pala ha u Namphramgmi L. Talang General Secretary ka seiñ SBYWA.
Neiliang ka Seiñ da ong ki wa daw lai yachem ko wa ka Ophis DMHO Khliehriat ha kini ki sngi wa daw wan hei yatoh wa ka ram yong ka tnat MeECL Khliehriat.
Read Also: Dooh light ka PHC wa sah ram hadooh T. 10 Lak ka MeECL Khliehriat ha ka Health Dept.
Discussion about this post