U Deputy Commissioner, East Jaiñtia Hills District da pyntip paidbah u wa da pynman ya ka Megha Health Insurance Scheme chirup wa ka Pradhan Mantri Jan Arogya Yojana wei katni dang pynman ya ka 2nd Renewal Policy (2021-2022).
Da pyntip u leh wa ka State Nodal Agency-Megha Health Insurance Scheme da sdang ko ya ka registration nadooh ka 22 Wisu (March), 2021 neibynta soo bnai, wei da lai leh cha ki chnong ki thaw wow pynboon ya ki bru kiwa thap pyrtuid ha kani ka Scheme.
Da pyntip u leh wa ka Registration u man ko kawa lai bait waroh chi snem ha ki District Kiosks wa ki Hospital Registration Centre.
Lada em kiwa ympu Register hapoh kani ka Scheme wei kiwa ympu em ya ka Card tangwa chah sumaar ki ha ki Hospital, ka Registration ye u leh neibynta ki Emergency Case heiwa waroh ki Hospital ye ki wow pdiang yeini i jooh.
U Deputy Commissioner da pyntip u leh wa ya ka Registration/Enrollment hapoh ka District da leh ha ka yung krehkaam u District Medical and Health Officer, Khliehriat (District KIOSK).
Ya ka yutip wa bniah ye wow yoh na u District Programme Manager-MHIS, East Jaiñtia Hills District Khliehriat deiwa email ha [email protected] næ phone ha u No.8974111634. Ka yung krehkaam leh em ko ya u Toll Free No. wa ye u phone ha iwon iwon i por-1800 102 4762 wa ka Help Desk No. 0364-2507477 (10:00 am- 5:00 pm) heiwa ye wow yoh yei che hajrong iwon iwon heiyatoh wa ini i kaam.
