Shillong: Ka lieñsuiñ AN-32 yong ka Indian Air Force (IAF) kawa da wiar nadooh i sngi ka 3 tarik uni u bnai kawa da mih na Jorhat wei kawa thmu wow lai cha Mechuka Advanced Langding Ground hadooh ynne ka sngi ympu em chem ya ka.
Hapoh kani ka lieñsuiñ da em 13 ngut wa kynthup ya ki chipai ka Air Force wa kiwi kiwi.
Neidaw wa joor u slap ynnin ka sngi da rap thut i thooh ya kani ka lieñsuiñ kawa da suba wa da noh (crash) ko ha Arunachal Pradesh.
U Wing Comander Ratnakar Singh uwa man uwi na ki heh ka IAF da ong u wa da sdang biang i thooh ya kani ka lieñsuiñ wei da pynemkaam noh da ka C130J, Sukhoi Su-30, Mi-17, ki Advanced Light Helicopter, wa kiwi kiwi.
Ya ki chipai IAF da yarap leh da ki Indian Navy, Indian Army, ka Indian Space Research Organisation, kamjooh leh ki bor sorkar ka jylla Arunachal Pradesh.
Discussion about this post