Jowai : Kam u pteiñ yei yakhih ha ka bynta kawa ar wow pyrchah ya ka National Institute of Open Schooling (NIOS) hajrong i pynslem wei kehiñstiñ yong ka hajrong i emkaam kiwa da pyndep ya ka Diploma in Elementary Education (D.El.Ed) yong u snem 2013, hei yatoh weini da sdang leh ya ka Letter Campaign cha u Myntri Rangbahduh ka ri, u Narendra Modi kawa da sdang nadooh ka 30 tarik wei da dep pynman leh ynne ka sngi ha Jowai.
U Aristotle C Rymbai, President ka MSSASA, da ong u wa ka Letter Campaign ha ka sngi wa soo da em 1235 ngut ki wa sikai kiwa da soi pyrtuid ha kani ki kaam wow kyrpad ya u Modi wow chimkhia yeini.
“ya ka jooh daw pynman ha Khasi National Durbar Hall, Mawkhar neibynta ki wa sikai (Trainees) kiwa haap hapoh East Khasi Hills District, West Khasi Hills District, South West Khasi Hills , Ri Bhoi wa Garo Hills” da ong u Rymbai.
Ka Meghalaya SSA Schools Association (MSSASA) da sdang ko yei yakhih pyrchah ya ka NIOS dei chong kyllaiñ mynngor kawa ar sngi ha ka 24 wa 25 tarik hakhmat ophis krehkaam ka NIOS ha Laitumkhrah, Shillong.
Also Read: Da i kylleiñ myngor u pynman ka MSSASA yow pyrchah yei mynthi ka NIOS
Discussion about this post