Jowai: Hadien wa da pyndam noh ya ka Night Curfew ha Shillong da ki bor District ka East Khasi Hills, neiliang u Superintendent of Police ka District, u Davis N R Marak da pyntip u wa ha ka 17 tarik uni u bnai ki bor District da chong yalang wa u Deputy Commissioner, u Peter S Dkhar wow yaklam hajrong i suk i saiñ ka sor Shillong wei da rai wow pyndam noh ya ka hadien kamwa ar bnai tam.
Da ong u wa hanlada pyndam ya ka Curfew, tangwa daw pynkhlan ya i sonteri ha waroh kawi ka sor, khamtam ha ki thaw wa haap ha Lumdiengjri Police Station wa Cantonment Beat House.
“Daw pynkhlan i yei sonteri kamwa da leh ha kini ki sngi ha waroh kawi ka sor,” da ong u SP.
Da kubur u leh wa kani ka Curfew man ko kawa da neh slem tam, neibynta wow pynneh yei chongsuk chong saiñ ha Shillong.
I pynkreh ya ka Curfew ha sor Shillong da sdang i nadooh ka 01 Naiynru uni u snem hadien wa da mih i awri ha Them Iewmawlong ha ka janmiet yong ka 31 Naisan nei chah dat ki le ngut ki khynnah Khasi iwa da pynman ya kiwa boon wow dawa wow kyrriah noh ya ki mator kiwa sah ha Sweepers’ Lane.
Discussion about this post