U Montri Rangbah ka jylla, u Conrad K. Sangma ynne da chimbynta u ha ka lehkmen Golden Jubilee ka All Meghalaya Karbi Association (AMKA) wa da pynman ha Purduwa Kharpati, Ri-Bhoi District.
Hawa e yei klam da ong u wa uwon uwon næ kiwon kiwon ki jaitbru wa em hapoh ka jylla u kheiñ ki kam kiwa chong chnong ka Meghalaya wei u kheiñ salonsar ya waroh deilang i hok wa yoh kiwi.
Da khana u leh wa da booh Rs. 50 lak yow sdang ya ka Karbi Culture Centre yow pynneh pynsah ya ka riti dustur yong ki kamjooh ya kiwa boon kiwa khian paaid wa em hapoh ka jylla nadooh ki Rabha, Koch wa ki Hajong.
Heiyatoh i dawa ki AMKA wow pynkylla yei pyrtuid wa da pynemkaam neibynta yong ki kam ki Mikir hapoh ka jylla yow pynemkaam noh da i Karbi, da ong u wa tip hi yeini wei da thung da ka Committee wa khlieh da u Commissioner Secretary ka Social Welfare Department, yow pait leh yei dawa yong kiwi kiwa khian paaid yow lai rah yeini cha ka sorkar India.
Heiyatoh wa ka puræ puthi, u Conrad da ong u wa da em i thmu wow hap noh wow puræ ya ka ktien Khasi wa Garo ha waroh ki skur wa em ha Meghalaya neibhah wa emkaam wow sñiawthooh para i.
“Katni kiwa na Khasi ym sñiawthooh ki iyi iyi leh ya ka ktien Garo kamjooh leh ki Garo ym sñiawthooh ki iyi iyi leh yei ktien Khasi wei kattæ dang pait kammon ki laad wa ye u chim yow pynman noh yei puræ ktien Khasi wa Garo wym hoi u dam (Compulsory) ha waroh ki skur wa em hapoh ka jylla wei daw rai hadooh katwon ka kyrdan puræ puthi wow leh yeini”, da ong u Conrad.

Discussion about this post