Shillong : Ka sngi yachem kiwa sikai Adhoc ka jylla Meghalaya namo ka Annual State Level Meet of All Meghalaya Adhoc Teachers Association 2016 da pynman ya ka ynnin ka 5 tarik ha St Jerome Hr. Sec. School, Nongmynsong, Shillong, heiwa u Dr. Mukul M Sangma da man u kam u kongsan.
U kongsan hei klaam yong oo da ong u wa em boon ki pynthut ya ki khynnah puræ yow poi ki cha ka thong yong ki khamtam yow yoh ki ka mynried wa biang hei khih i khan, wei chong ko ha i waroh wow yarap ya ki.
Ong u leh wa ki khynnah wa sdang skur katni emkaam bha u chdooh kiwa sikai ya ki cha ka luti wa biang neidaw wa kiwa ha yung ha sem yong ki ym yoh por ki ya ki kam na chwa.
Da ong u leh wa ka sorkar dang chem chitom ko u poi cha ka thong wow pynman ya waroh kiwa tip u puræ puthi wei wow thoh u tar hapoh ka jylla (100% Literacy). Heijooh i por leh da yaroh u ya waroh i kreh chitom kiwa sikai wei da pynkynmoo u leh wa uwi pa uwi u khynnah phær u kamtæ emkaam u pynbniah yei rukom sikai yow pynman ya ka jylla kam ka wi na ka jylla wow riñ ya ki khynnah wow wan puræ na waroh ka jylla.
Ha kani ka sngi da em leh ka Deborah Marak, Minister of Education kam ka smybod kongsan.
U Director of School Education, Ambrose Marak hei klam yong oo leh da ong u wa ka sorkar da pyrkhat bha ko yei dawa kiwa sikai Adhoc Secondary wa Higher Secondary yow pynku ya ka tulop yong ki.
Ka B. Kharumnuid, President ka All Meghalaya Adhoc Teachers Association leh da booh ko ya ka dorkhat hei yatoh wa i dawa ka seiñ ha u Chief Minister.
Discussion about this post