Dang sylli ka sorkar pyrdi hajrong i bha i miat ka ILP hapoh jylla: Kyrmen Shylla

Jowai: “Ka aiñ ym ap ko yeiyi yeiyi wei man ko kawa salonsar,” da ong u montri ka sorkar jylla, u Kyrmen Shylla hawa jubab yei kylli hajrong i thmu ka CoMSO wow pynkrehkaam ya ka ILP pyn daka hi.

Hawa yaklam wa kiwa pathai khubor ynne ka sngi ha Jowai, da ong u leh wa neiliang ka sorkar jylla chirup wa kiwi kiwa mihkhmat ka jylla da chim ko chirup ya ka rai (Resolution) wow pdiang ya ka ILP, kawa man ka sien wa nyngkong wow leh kamni.

U Kyrmen da ong u leh wa man i iwa sñiawsuk wa chimkhia ki seiñbhalang hajrong kani ka kaam neibhah kam ka sorkar ym kwah ko wa mynstep mankawi u chah ktah ka khyndaw ka chyiap wei wow chah lehbeiñ ki bru ka jylla ha ki bru na baar.

Chooh chooh da ong u wa kani ka kaam toh kawa da kwah da ki sorkar nadooh nachwa kamjooh leh ki seiñbhalang wei emkaam u man kiwa yaichah.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hajrong i pynslem ka sorkar pyrdi u e ya ka ILP, u Kyrmen da ong u wa dang sylli ka sorkar pyrdi iyi iwa bha iyi iwa sih ya ka jylla manda pynkrehkaam ya ka ILP.

Da pynrap u leh wa i sylli dang lai bait i hajrong ini deiwa ong leh, “Boi deiwa e tæ kylla kjut deiwa pyndooh tæ sih itæ man i kaamram ka sorkar”.

Da ong u leh wa neiliang u montri rangbah da ong u wa ye wa heiwon iwon i por u lai yachem biang ya u montri ka kaam pohyung ka sorkar pyrdi, u Amit Shah hajrong kani ka kaam.

Da yooluti u leh wa ka yalang u man ko kawa mih soh mih sla.